ជឿជាក់ថាប្រិយមិត្តជាច្រើននៅចាំបានហើយ ចំពោះគូស្នេហ៍ជនជាតិ១គូ ដែលធ្វើឲ្យផ្ទុះកក្រើកល្បីពេញផ្ទៃប្រទេសតែម្តង កាលពីអំឡុងខែធ្នូ ឆ្នាំ២០១៩ ដោយសារតែខាងស្រីមានរូបសម្រស់ស្អាតដូចតារា តែបានស្ម័គ្រជ្រើសយកបុរសម្នាក់មានមុខមាត់ដ៏អាក្រក់គួរខ្លាចធ្វើជាគូជីវិត តាមរយៈធ្វើត្រឹមពិធីសែន
មួយព្រឹកប៉ុណ្ណោះ។ យោងតាមប្រភពព័ត៌មានថៃ បានចុះផ្សាយឲ្យដឹងថា ខាងស្រីដែលមានឈ្មោះ Nong Bee អាយុ ២៣ ឆ្នាំ បានលែងលះអតីតប្តី ដោយសារប្តីរបស់នាងជាមនុស្សញៀនល្បែង ហើយអ្នកទាំងពីរក៏មានកូនស្រីម្នាក់ជាមួយគ្នាផងដែរ។ តែទោះយ៉ាងណា ក្រោយលែងលះជាមួយអតីតប្តី
នាង Nong Bee ក៏បានជួបនិងមានក្តីអាណិតស្រឡាញ់បុរសម្នាក់ Boonmee Khunthong ឬ ហៅថា Mimi ដែលជាបុរសមានមុខមាត់ដ៏អាក្រក់។ ហើយបន្ទាប់មក អ្នកទាំងពីរក៏បានសម្រេចចិត្តយកគ្នាជាប្តីប្រពន្ធ តាមរយៈធ្វើត្រឹមពិធីសែនតិចតួចប៉ុណ្ណោះ ដែលធ្វើឲ្យល្បីនៅលើទំព័រ
សារព័ត៌មានក្នុងប្រទេស និងក្រៅប្រទេសចុះផ្សាយឡើងព្រោងព្រាត។ តែទោះយ៉ាងណា បន្ទាប់ពីរៀបការនឹងគ្នាបានរយៈពេលជិត១ឆ្នាំ ទំនាក់ទំនងស្នេហ៍ដ៏ផ្អែមផ្អែមរបស់អ្នកទាំងពីរ ក៏បានឈានដល់ទីបញ្ចប់ ដោយនាង Nong Bee បានទៅរៀបការជាមួយប្រុសថ្មី។
ចំណែកលោក Mimi វិញក៏បានផ្តល់បទសម្ភាសន៍ឲ្យដឹងថា មកទល់ពេលនេះ រូបលោកមិនទាន់មានសង្សារនៅឡើយទេ។ តែលោកក៏បានបង្ហើបថា ពេលនេះលោកក៏មាននារី ២ ទៅ ៣នាក់ ដែលសុទ្ធតែស្អាតៗ បានកំពុងមានទំនាក់ទំនងជាមួយលោកផងដែរ ប៉ុន្តែ លោកមិនទាន់សម្រេចចិត្តថានឹងជ្រើស
យកនារីមួយណានោះទេ ដោយរង់ចាំមើលចិត្តគ្នាឲ្យបានយូរបន្តិចសិន។ យ៉ាងណាមិញ ក្រោយពីបានលឺបែបនេះ ក៏មានហ្វេនៗ និងអ្នកតាមដានជាច្រើន ក៏បានចូលរួមលើកទឹកចិត្ត និងជួនពរសង្ឃឹមថា លោកនឹងជួបអ្នកដែលល្អ ចូលមកក្នុងជីវិតថ្មីរបស់លោកផងដែរ៕
