នារីគិលានុបដ្ឋាយិកាជនជាតិចិនម្នាក់ត្រូវបានគេសរសើរថាជាវីរនារីបន្ទាប់ពីនាងបានព្យាយាមជួយសង្គ្រោះស្ត្រីវ័យចំណាស់ម្នាក់ដែលកំពុងរងរបួសខណៈដែលនាងកំពុងស្លៀករ៉ូបអាពាហ៍ពិពាហ៍របស់នាងនៅទ្បើយ។
បើយោងតាមរបាយការណ៍របស់ប្រព័ន្ធផ្សព្វផ្សាយពត៌មានបានឱ្យដឹងថាកូនក្រមុំឈ្មោះ Xie Dan បានប្រញាប់ប្រញាល់ទៅសង្គ្រោះស្ត្រីវយ័ចំណាស់ម្នាក់បន្ទាប់ពីស្ត្រីនោះបានគ្រោះថ្នាក់ចរាចរតាមផ្លូវរបស់នាងដែលកំពុងថតរូបអាពាហ៍ពិពាហ៍របស់នាងកាលពីថ្ងៃសៅរ៍កន្លងទៅនេះ។
នារីគិលានុបដ្ឋាយិកាបានប្រាប់អ្នកកាសែតថា:ខ្ញុំគ្រាន់តែធ្វើអ្វីដែលខ្ញុំគួរតែធ្វើប៉ុណ្ណោះ!។ បើយោងតាមវីដេអូពីបណ្តាញសង្គមចិន miaopai បានឱ្យដឹងថាហេតុការណ៍នេះបានកើតឡើងនៅទីក្រុង Dalian ភាគខាងជើងប្រទេសចិន។
ប៉ូលីសចរាចរណ៍ Dalian បានប្រាប់កាសែត Peninsula Morning Post ក្នុងស្រុកថាស្ត្រីវ័យចំណាស់ម្នាក់ដែលមានអាយុ 70 ឆ្នាំនេះត្រូវបានបុកដោយរថយន្តមួយគ្រឿងហើយត្រូវបានរងរបួសធ្ងន់។
តែគួរអោយសោកស្តាយស្ត្រីរូបនេះបានស្លាប់នៅមន្ទីរពេទ្យក្រោយពីគ្រូពេទ្យមិនអាចជួយសង្គ្រោះស្ត្រីវយ័ចំណាស់នេះដោយស្ងានភាពធ្ងន់ធ្ងរពេក។ទោះជាយ៉ាងណាក៏ដោយការព្យាយាមជួយសង្គ្រោះរបស់កញ្ញា Xie Dan បានក្លាយទៅជាកាចែកចាយយ៉ាងទូលំទូលាយនៅប្រទេសចិនដោយមានការកោតសរសើរនៅទឹកចិត្តរបស់នាងមិនប្រកាន់ខ្លួនថាកំពុងស្លៀកពាក់អ្វីនោះទ្បើយ។
មុនពេលកើតហេតុត្រូវបានគេដឹងថារថយន្តរបស់កញ្ញា Xie Dan បានឆ្លងកាត់កន្លែងកើតហេតុនៅសង្កាត់ Wafangdian នៃទីក្រុង Dalian ភ្លាមនោះ Xie Dan បានចេញពីរថយន្តរបស់នាងហើយបានចាប់ផ្តើមធ្វើការសង្គ្រោះស្ត្រីវយ័ចំណាស់យ៉ាងប្រញ៉ាប់ប្រញ៉ាល់។
កាសែត Peninsula Morning Post បានរាយការណ៍ថាកញ្ញា Xie Dan គឺជាគិលានុបដ្ឋាយិកានៅមន្ទីរពេទ្យវេជ្ជសាស្ត្រចិនបុរាណ Wafangdian ។នាងបានចាកចេញពីកន្លែងសង្គ្រោះដោយស្ងៀមស្ងាត់បន្ទាប់ពីក្រុមវេជ្ជបណ្ឌិតបានមកដល់។
ក្រោយមកកញ្ញា Xie Dan បានប្រាប់កាសែតថានាងគ្រាន់តែធ្វើអ្វីដែលនាងគួរធ្វើប៉ុណ្ណោះ។សាក្សីបានឃើញព្រឹត្តិការណ៍នេះបានប្រាប់អ្នកការសែតថាកញ្ញា Xie Dan បាននិយាយថាប្រសិនបើនាងមិនបានឈប់ទ្បានព្យាយាមជួយសង្គ្រោះស្ត្រីវយ័ចំណាស់នោះនាងនឹងមានអារម្មណ៍ថាមានកំហុស។
ស្ត្រីវ័យចំណាស់នោះបានរងរបួសធ្ងន់ធ្ងរនៅលើក្បាលហើយត្រូវបានបញ្ជូនទៅមន្ទីរពេទ្យដោយរថយន្តសង្គ្រោះបន្ទាន់មួយ។តែស្ត្រីនោះបានទទួលមរណៈភាពនៅក្នុងមន្ទីរពេទ្យដោយសារស្ថានភាពធ្ងន់ធ្ងរ។
រូបភាពនិងវីដេអូនៃទង្វើល្អរបស់កញ្ញា Xie Dan ត្រូវបានចែករំលែកយ៉ាងទូលំទូលាយដោយប្រព័ន្ធផ្សព្វផ្សាយនៅក្នុងប្រទេសចិន។សាធារណៈជនបានសរសើរកញ្ញា Xie Dan ចំពោះសេចក្តីសប្បុរសរបស់នាងហើយបានផ្ញើនូវសារជូនពរយ៉ាងកក់ក្តៅទៅកាន់នាង។
អ្នកប្រើប្រាស់បណ្តាញសង្គមម្នាក់បានអធិប្បាយលើ Twitter ដូចជា Weibo ថា “នាងគឺជាកូនក្រមុំស្អាតបំផុត”។ម្នាក់ទៀតនិយាយថា “នាងមានមុខស្អាតនិងបេះដូងស្អាតស្អំ។ ខ្ញុំសូមជូនពរអោយនាងមានសុភមង្គលអស់មួយជីវិត។ ‘អ្នកទី 3 បាននិយាយថា “សប្បុរសធម៌របស់នាងនឹងទទួលបានរង្វាន់មកវិញនៅថ្ងៃណាមួយ”៕
