គេនៅចាំបានថា កន្លងមក ដោយ សង្កេត ឃើញ ថា អ្នកនាង សុគន្ធ និសា កម្រ បង្ហោះ រូបភាព បង្ហាញ ភាព ផ្អែមល្ហែម ដូច គូស្នេហ៍ ដទៃ នោះ ក៏ មាន ចម្ងល់ ជាច្រើន ជុំវិញ រឿង នេះ រហូត អ្នកខ្លះ គិត ថា ប្រហែលជា រូបនាង បែកបាក់ ជាមួយ ស្វាមី ហើយក៏ មិន ដឹង ។
ដើម្បី ជម្រះ មន្ទិល ជុំវិញ រឿង នេះ កន្លងមក តារាចម្រៀង រាង តូច ច្រឡឹង គួរ ឲ្យ ស្រឡាញ់ រូបនេះ ក៏បាន ធ្វើការ បង្ហោះ រូប ជាមួយ ស្វាមី អមដោយ ប្រយោគ បែបនេះ ថា
«Boy friend ទំនើង Ok អ្នក គ្រប់គ្នា តែងតែ សួរ ថា ម៉េច ក៏ មិនដែល ឃើញ ផុស រូប ជាមួយ ម្នាក់ ប្រុស នេះ ឥឡូវនេះ ជូន តាម សំណូមពរ ចា »។
តាមរយៈ សារ និង រូបភាព នេះ អាច បញ្ជាក់បាន ថា អ្នកនាង សុគន្ធ និសា ពុំមាន ការបែកបាក់ ស្នេហា ដូច ការសង្ស័យ មួយចំនួន នោះឡើយ តែ ពេល ឃើញ រូប នេះ ហើយ នោះ មាន អ្នកខ្លះ នៅតែ លើក ជា ចម្ងល់ ថា « មិនដែល ឃើញ ស្វី ត សោះ » ។
ជាការ ឆ្លើយតប ជុំវិញ ការ លើកឡើង ខាងលើនេះ តារាចម្រៀង សុគន្ធ និសា បានធ្វើការ បញ្ជាក់ថា « ទម្លាប់ គ្រួសារ ម្នាក់ៗ ខុសៗ គ្នា » ។
ក្រោយ ឃើញ ការ បកស្រាយ បែបនេះ មានមតិ មួយចំនួន ធ្វើការ គាំទ្រ ដោយ លើកឡើងថា « មែនហើយ បង ប្តី ខ្ញុំ ក៏ អីចឹង ដែរ គាត់ មិនសូវ ចូលចិត្ត ថតរូប ប៉ុន្មាន ទេ ហើយ ណាមួយ មនុស្ស ស្រឡាញ់គ្នា មិនចាំបាច់ ទាល់តែ ថត បង្ហាញ អោយ គេ ឃើញ គ្រប់ពេល នោះទេ មែន អត់ បង » ។ « ខ្ញុំ យល់ស្រប បង សូម្បី ខ្ញុំ ក៏ មិនសូវ ផុស រូប ប្តី ដែរ » ។
ក្រោយមក ទៀត អ្នក នាង សុគន្ធ និសា ក៏បាន ធ្វើ បកស្រាយ បន្ថែម ទៀត ចំពោះ ពាក្យ មហាជន ដែលនិយាយថា នាង លាក់ មុខ ស្វាមីនោះ ដោយ អ្នកនាង ថា ប្ដី របស់ នាង មិនមែនជាអ្នកសិល្បៈ មិន អាចយកគាត់ មកសម្ដែងជាមួយយ នាង បានទេ។
អ្នក នាង បន្ត ថា អត្តចរិត សម្ដីសំដៅ ក៏ ដូច ជា អាកប្បកិរិយា មិនដូចយើងតែម្ដង។ ដូច្នេះ បើចង់យកគាត់ មក សម្ដែង នៅក្នុង បទចម្រៀងផ្ទាល់ របស់ អ្នកនាង គឺមិន អាចនោះទេ។
គួរ បញ្ជាក់ថា តារាចម្រៀង សុគន្ធ និសា បាន ចូល រោងការ ជាមួយ បុរស អាណិកជន ខ្មែរ ម្នាក់ ឈ្មោះ ចៅ សម្បត្តិ កាលពី ថ្ងៃទី ០១ ខែធ្នូ ឆ្នាំ ២០១៧ នេះ ដែល ពិធី ទាំងមូល នឹង ប្រព្រឹត្តឡើង នៅ សណ្ឋាគារ លំដាប់ ផ្កាយ ៥ សូ ហ្វី តែ ល ភ្នំពេញ ដោយ នាង បាន អញ្ជើញ ភ្ញៀវកិត្តិយស ជាច្រើន ពិសេស អ្នកសិល្បៈ ចូលរួម ផងដែរ ។
ក្រោយពី រៀបការ រហូតដល់ ពេល នេះ អ្នកនាង មិនទាន់ ទទួលបាន ដំណឹង ល្អ នៅឡើយ ទេ ខណៈ អ្នក រៀបការ ក្រោយៗ រូបនាង គេ មានកូន អស់ ទៅហើយនោះ។ ទោះយ៉ាងណាពេលនេះ អ្នកនាង បានទៅសហរដ្ឋអាមេរិកជាមួយស្វាមី ហើយសង្ឃឹមថា ពួកគេនឹងមានដំណឹងល្អ ពេលត្រឡប់មកប្រទេសកម្ពុជាវិញនោះ៕
