នារីៗចង់បានរាងស្អាតទេ? មកដឹងមូលហេតុដែលធ្វើឲ្យក្រុម BLACKPINK រាងស្អាតស្រឡូន ចង្កេះល្វតល្វន់ ដែលជាក្ដីសុបិន្ដរបស់នារីៗ…មានរូបភាពជាច្រើន
និយាយដល់ឈ្មោះក្រុម BLACKPINK ប្រាកដជាគ្មានអ្នកណាដែលថាមិនស្គាល់ទេ ព្រោះសមាជិកក្នុងក្រុមសុទ្ធតែជាស្រីស្អាត មានសម្រស់ស្រស់ទាក់ទាញខ្លាំង ជាពិសេស គឺរាងស្អាតស្រឡូនតែម្ដង។ ក្នុងការថែរាងឲ្យស្អាតឥតខ្ចោះបែបនេះ BLACKPINK ក៏មានតិចនិចសម្រាប់ចែករំលែកដែរ ព្រោះមិនមែននៅសុខៗអាចបានរាងស្អាតស្រឡូនបែបនេះទេ៖
១. Jenny
Jenny តែងតែហាត់ Yoga និង Pilates ជាប្រចាំ ជាពិសេសនោះ Jenny មានសមត្ថភាពហាត់ Yoga និង Pilates បានល្អមែនទែន។ បែបនេះហើយ ទើបធ្វើឲ្យនាងមានរាងស្រឡូនគូរឲ្យស្រលាញ់ ហើយរាល់ការសម្ដែង ការរាំច្រៀងម្ដងៗ Jenny តែងតែធ្វើបានយ៉ាងល្អឥតខ្ចោះ។
២. Rose
Rose មានទេព្យកោសល្យហាត់ Pilates បានល្អខ្លាំងណាស់ ដូច្នេះរាងដ៏ស្រឡូនស្អាតនោះគឺបានមកពីនាងតែងតែចំណាយពេលហាត់ Pilates ២ថ្ងៃ ១ដង ហើយប្រហែលជា ៣ថ្ងៃសម្រាប់ការហាត់ប្រាណ។ ចង្កេះដ៏ស្អាតរបស់ Rose បានធ្វើឲ្យមនុស្សប្រុស ស្រីមិនតិចទេដែលឈ្លក់វង្វេង ចង់បានរាងស្អាតបែបនេះ។
លើសពីនេះ Rose តែងតែហាត់ Pilates ជាមួយនឹងឧបករណ៍ពិសេសៗដើម្បីជួយរក្សាសាច់ដុំនិងរាងកាយកាន់តែរឹងមាំ។ ការហាត់ Pilates ជួយដុតរំលាយអាហារក្នុងរាងកាយដែលធ្វើឲ្យក្បាលពោះរាបស្មើយ៉ាងមានប្រសិទ្ធិភាព។
៣. Lisa
Lisa តែងតែហាត់កីឡាប្រដាល់ និងរាំ ហើយនាងចូលចិត្តហាត់រៀនក្បាច់រាំដែលពិបាកៗ។ ដោយសារបែបនេះហើយទើប Lisa រាងកាយស្រឡូនស្អាត និងមានភាពបត់បែនបានយ៉ាងរហ័ស ហើយវាក៏ជួយឲ្យការរំលាយអាហាររាងកាយនាងក៏មានដំណើរការល្អផងដែរ។ ការហាត់រាំពិបាកៗទាំងនោះហើយ ដែលជួយដុតបំផ្លាញជាតិខ្លាញ់រាងកាយបានយ៉ាងល្អ និងធ្វើឲ្យនាងមានចង្កេះតូចស្អាត។
ក្រៅពីការរាំ Lisa ចូលចិត្តហាត់កីឡាប្រដាល់។ ពេលទំនេរពីការរាំ នាងតែងតែទៅហាត់ប្រដាល់ជាប្រចាំ ដើម្បីជួយឲ្យសុខភាពរាងកាយនាងកាន់តែមានភាពរឹងមាំ។
៤. Jisoo
សម្រាប់ Jisoo វិញ គឺតែងតែហាត់ Yoga ដូចJenny ជាប្រចាំដែរ។ ក្រៅពីហាត់ Yoga ក៏មានការហាត់រាំជាមួយក្រុមរបស់ខ្លួនយ៉ាងសកម្ម ដែលជួយធ្វើឲ្យរាងកាយនាងមានសុខភាពល្អនិងមានរាងដ៏គួរឲ្យភាពទាក់ទាញ មិនចាញ់សមាជិកខ្លួននោះទេ។
ទាំងនេះហើយជាអ្វីដែលក្រុមកូរ៉េដ៏ល្បីឈ្មោះនេះ ហាត់ក្នុងការយករាងស្អាត ហើយវាក៏មិនមែនជារឿងងាយដែរ ព្រោះត្រូវការអត់ធ្មត់ និងមិនអាចខ្ជិលបានឡើយ៕ ប្រភព៖ akerufeed
