ព្រះវិហារ÷បុរសជាកសិករម្នាក់ចេញពីផ្ទះទៅក្នុងព្រៃដើម្បីរកម្ហូបក៏ប៉ុន្តែរូបគាត់ត្រូវជួបសំណាងអាក្រក់របស់គាត់ទៅលូករន្ធដើម្បីរកកង្កែបស្រាប់តែត្រូវបានពស់មានពិសនៅក្នុងរន្ធនោះចឹកបណ្ដាលឲ្យរងរបួសធ្ងន់ នៅពេលថ្ងៃ ហើយអ្វីដែលគួរឲ្យចម្លែកនោះពស់មានពិសមួយក្បាលនេះក៏បានវាចេញពីក្នុងព្រៃ សំដៅមករកផ្ទះជនរងគ្រោះនៅពេលយប់ទៅវិញម្ដងទៀត តែត្រូវបានប្រជាពលរដ្ឋធ្វើដំណើរតាមដងផ្លូវឃើញក៏បាននាំគ្នាសម្លាប់សត្វពស់មួយក្បាលនោះចោលតែម្ដងទៅ ។
ហេតុការណ៍ដ៏គួរឲ្យចម្លែកមួយនេះបានកើតឡើង ស្ថិតនៅក្នុងភូមិសម្លាញ់ ឃុំត្បែង០១ ស្រុកសង្គមថ្មី ខេត្តព្រះវិហារ ដោយសារសត្វពស់មានពស់មួយក្បាលបានចឹកមនុស្សបណ្ដាលឲ្យ(ស្លា ប់)
ជនរងគ្រោះដែលបានស្លាប់ដោយសារតែសត្វពស់ចឹក(ស្លា បើនោះមាន ឈ្មោះ ញ៉ែម វឿត ភេទប្រុស អាយុ៤៣ ឆ្នាំ រស់នៅភូមិ ឃុំកើតហេតុខាងលើ មានប្រពន្ធ និងកូនចំនួន០៤នាក់អូនរស់ក្នុងបន្ទុក។
យោងតាមប្រភពព័ត៌មាន ពីមន្ត្រីសមត្ថកិច្ច ស្រុកសង្គមថ្មីបានឲ្យដឹងថា នៅមុនពេលកើតហេតុជនរងគ្រោះបានចេញពីផ្ទះចូលទៅក្នុងព្រៃដើម្បីរកខ្វារកង្កែប តាមទម្លាប់ដូចសព្វមួយដងដើម្បីយកមកធ្វើម្ហូបក៏ប៉ុន្តែរូបគាត់បានលូកដៃ ចូលទៅក្នុងរន្ធហើយពេលនោះក៍ត្រូវបានសត្វសព់ចឹងចំដៃរបស់គាត់តែម្ដង។
ក្រោយពេលកើតហេតុនោះហើយជនរងគ្រោះក៏បានរត់សំដៅមកផ្ទះវិញរបស់គាត់វិញ ដើម្បីរកគ្រូខ្មែរឲ្យធ្វើការស្ដោះផ្លុំតាមរបៀបខ្មែរបុរាណ តែជនរងគ្រោះមិនបានធូរស្បើយឡើយ ក្រោយមកក្រុមគ្រួសារក៏បានដឹកជនរងគ្រោះទៅកាន់មន្ទីរពេទ្យបង្អែកខេត្តព្រះវិហារដើម្បីព្យាបាលបន្តរតែជនរងគ្រោះត្រូវបានស្លា ប់បង់ជីវិត មន្រ្តីសមត្ថកិច្ចដដែលបានបញ្ជាក់បន្ថែមទៀតឲ្យដឹងថាដោយសារតែរជាតិពិសបានជ្រាបចូលទៅក្នុងខ្លួនជនរងគ្រោះធ្ងន់ធ្ងរពេកទើបលោកគ្រូពេទ្យមិនអាចជួយសង្គ្រោះបាន ។
លុះមកដល់ពេលយប់ឡើងពស់មួយក្បាលដែលបានចឹកទៅលើជនរងគ្រោះបណ្ដាលឲ្យស្លាប់នោះក៏បានវាចេញពីព្រៃសំដៅមករកផ្ទះជនរងគ្រោះ តែត្រូវប្រជាពលរដ្ឋដែលកំពុងជិះម៉ូតូធ្វើដំណើរតាមដងផ្លូវបានឃើញរួចក៏បានវាយសម្លាប់សត្វពស់មួយក្បាលនោះតែម្ដងទៅ។
បន្ទាប់មកលោក រស់ ហេង អភិបាលស្រុកសង្គមថ្មីបានបន្តថាលោកក៏មិនបានដឹងច្បាស់ដែរថាតើសត្វពស់មួយក្បាលនេះចឹងជនរងគ្រោះរួចហើយ ហេតុអី្វបែជាវាមករកជនផ្ទះរងគ្រោះទៅវិញ តែអ្នកភូមិខ្លះបានមានប្រសាសន៍ថាប្រហែលជាលោកគ្រូមន្តអាគមស្ដោះផ្លុំម្នាក់នោះបានអន្ទងហៅព្រលឹងពស់នោះមកវិញហើយមើលទៅ បើតាមការបញ្ជាក់ពីប្រជាពលរដ្ឋដោយឡែកផ្សេងគ្នា អ្នកខ្លះបានហៅថាពស់ក្រាយ រីឯអ្នកខ្លះវិញទៀតហៅថាពស់បង្កងពិស។
ក្រោយមកសមត្ថកិច្ចជំនាញបានធ្វើកំណត់ហេតុនិងកុសល្យវិច្ច័យរួចរាល់ក៏បានប្រគល់សពឱ្យទៅឲ្យសាច់ញាតិនឹងក្រុមគ្រួសារធ្វើបុណ្យតាមប្រពៃណី។ ប្រភព csk
