ថៃ៖ នៅថ្ងៃទី ១២ ខែសីហា អ្នកយកព័ត៌មានរាយការណ៍ថា នៅល្ងាចថ្ងៃទី ១១ សីហាកន្លងមកនេះ រថយន្តស្ទូចរបស់ក្រុមហ៊ុនឯកជនមួយ បានទៅរុះរើមេរុបូជាសព ឋិតក្នុងវត្តខុងខាលៀប ស្រុកមឿង ខេត្តណាខនស៊ីថាម៉ារ៉ាត។ ដោយខណៈពេលកំពុងរុះរើមានការភ្លាត់ស្នៀតដោយរថយន្តស្ទូចបានបុកនឹងបំពង់បង្ហុយផ្សែងរបស់មេរុ ដែលលទ្ធផលបណ្តាលឱ្យបំពង់បង្ហុយផ្សែងរលំលើសាលាបាលី ហើយសាលាបាលីត្រូវបានខូចខាតផ្នែកខ្លះ ខណៈពេលដែលទំងន់នៃបេតុងបំពង់ផ្សែងបានអូសដងស្ទួចធ្លាក់ចុះ ដោយតួរថយន្តបាសជើងឡើងលើអាកាស។
ហេតុការណ៍ដែលបានកើតឡើងដោយសារព្រះគ្រូ សមុភិសិទ្ធ អនាលយោ ចៅអធិការវត្ត ខុងខាលៀប ចង់រៀបចំបរិវេណវត្ត បានជួលរថយន្តស្ទូចពីក្រុមហ៊ុនឯកជនមួយដើម្បីកម្ទេចឈាបនដ្ឋានចាស់ ដែលត្រូវបានប្រើជាយូរមកហើយពីទីតាំងដើមដែលត្រូវបានសាងសង់ក្នុងរយៈពេលជាង ៣០ឆ្នាំ ដើម្បីយកទីកន្លែងធ្វើអ្វីផ្សេងទៀត ហើយរៀបចំកសាងបច្ឆាថ្មីឱ្យឋិតនៅខាងក្រោយវត្តឆ្ងាយពី ទីសក្ការៈបូជា ដូច្នេះទើបកម្ទេចចោលឈាបនដ្ឋានចាស់ ប៉ុន្តែមានឧប្បត្តិហេតុមួយបានកើតឡើងដោយមិនមានអ្នករងរបួសនិងស្លាប់នោះទេ។
ឧប្បត្តិហេតុនេះបានកើតឡើងខណៈពេលដែលរថយន្តស្ទូចកំពុងត្រៀមភ្ជាប់ខ្សែស្ទូច និងទម្លាក់បំពង់បង្ហុយផ្សែងធ្លាក់ទៅទិសដៅផ្ទុយគ្នា នៅពេលមានការប៉ះទង្គិចកើតឡើងធ្វើឱ្យមិនអាចគ្រប់គ្រងបានបំពង់ផ្សែងបេតុងបានដួលហើយអូសដងសន្ទូចចុះក្រោមផងដែរ។ ចំណែកឯតួរថយន្តសន្ទូចបានបាសជើងទៅលើអាកាស បង្កឱ្យមានការភិតភ័យយ៉ាងខ្លាំងដល់អ្នកភូមិ បន្ទាប់មកអ្នកភូមិបាន្នាំគ្នាមកជួយនិងវាយកំទេចសាលាបាលី។
នៅក្នុងបរិវេណសាលបាលីបានរកឃើញថាផ្នែកខ្លះត្រូវបានខូចខាត ដោយបំពង់បង្ហុយផ្សែងបេតុងបានបាក់លើរូបសំណាក់ព្រះចៅតាកស៊ីននិងរូបសំណាក់លោកឪ ថូត ដែលបានបដិស្ឋាននៅខាងក្នុង ប៉ុន្តែបានរកឃើញថាព្រះចៅតាក់ស៊ីននិងលោកឪ ថូត មិនត្រូវបានខូចខាតបន្តិចឡើយ មុនពេលប្រជាជនមករើចេញ។ គេជឿជាក់ថាដោយសារតែភាពស័ក្តិសិទ្ធរបស់ព្រះចៅតាក់ ស៊ីន និងលោកឪ ថួត ធ្វើឱ្យគ្មានគ្រោះថ្នាក់ ពួកគេបាននាំគ្នាគោរពបូជាគ្រប់ពេលវេលា។
ចំពោះហេតុការណ៍នេះអ្នកភូមិនៅតំបន់នោះមានការភិតភ័យយ៉ាងខ្លាំង និងរន្ធត់ ព្រោះកន្លែងកើតហេតុជាកន្លែងបូជាសពចាស់ ទន្ទឹមនឹងមានជំនឿតាំងពីបុរាណកាលមកថា ប្រសិនបើអ្នកចង់រុះរើបច្ឆាចាស់ដែលត្រូវបានប្រើជាយូរមកហើយនោះ ត្រូវប្រកបពិធីថ្វាយតង្វាយ យញ្ញបូជាជាមួយនឹងការផ្តល់អាហារ បង្អែម មុនពេលចាប់ផ្តើមរុះរើផ្លាស់ប្តូរទីកន្លែងបូជាសព ប៉ុន្តែការរុះរើដែលមានហេតុការណ៍កើតឡើងនេះមិនបានធ្វើពិធីអ្វីទាំងអស់។
អ្នកបើករថយន្តស្ទូច និយាយត្រឹមតែថា មូលហេតុគឺបណ្តាលមកពីទំងន់នៃបំពង់បង្ហុយផ្សែងឈាបនដ្ឋានធ្ងន់ពេក ហើយការដួលខុសទិសដៅធ្វើឱ្យដងសន្ទូចធ្លាក់ចុះ ដោយបំពង់ផ្សែងឈាបនដ្ឋានបាក់ចេញពីគល់ដែលធ្វើឱ្យទំងន់មានតុល្យភាពមិនស្មើគ្នា ទំងន់សរុបមិនអាចគណនាបានទេ ហើយអ្វីដែលបានកើតឡើងត្រូវបានគេចាត់ទុកថាជាឧប្បត្តិហេតុ ប៉ុន្តែបាននាំរថយន្តស្ទូចជាច្រើនគ្រឿងបន្ថែមទៀតដើម្បីរុះរើ និងដោះស្រាយបញ្ហានានាសម្រាប់វត្តតទៅ៕ ប្រភព sakarach
