បរទេស៖ គ្រួសារមួយនៅប្រទេសចិនបានលក់សាកសពកូនស្រីរបស់ពួកគេ ដែលបានទទួលមរណភាពកាលពី ១២ ឆ្នាំមុនធ្វើជា “កូនក្រមុំខ្មោច” ប ង្កឲ្យមានការចា ប់អារម្មណ៍យ៉ាងខ្លាំង។ យោងតាមប្រព័ន្ធផ្សព្វផ្សាយក្នុងស្រុករបស់ប្រទេសចិន បានរាយការណ៍ថាសាកសពនារីម្នាក់មានឈ្មោះ Kang Cuicui ត្រូវបានគ្រួសារលក់ឲ្យគេក្នុងតម្លៃខ្ទង់ម៉ឺនដុល្លារ ដើម្បីរៀបចំធ្វើពិធីមង្គលការជាមួយសពបុរសម្នាក់ នៅក្នុងពិធីបុរាណមួយនៅក្នុងខេត្តហឺប៉ី ប្រទេសចិន។
ទោះបីទំនៀមទម្លាប់ Yin Hun ឬ“ រៀបមង្គលការខ្មោច” គឺចម្លែកសម្រាប់មនុស្សយើងភាគច្រើនក៏ដោយ តែវាជារឿងធម្មតាទៅហើយសម្រាប់ប្រជនជនចិនមួយចំនួន និងអនុវត្តនៅក្នុងប្រទេសនេះរាប់ពាន់ឆ្នាំមកហើយ ដោយបុគ្គលម្នាក់ៗជឿថាមនុស្សស្លាប់ នឹងមិននៅតែឯង ហើយថែមទាំងនាំពរជ័យ សំណាងល្អដល់អ្នកដែលនៅរស់ថែមទៀត។
យ៉ាងណាមិញ ពិធីនេះទទួលបានការចា ប់អារម្មណ៍ពីសំណាក់សាធារណជន បន្ទាប់ពីមានសារព័ត៌មានបានចុះផ្សាយកាលពីសប្តាហ៍មុន អំពីទំនៀមទម្លាប់បុរាណដែលអនុវត្តដោយអ្នកភូមិ Huanghua ទីក្រុង Cangzhou ។ តាមសេចក្តីរាយការណ៍បានឲ្យដឹងថា កញ្ញា Kang បានសម្លាប់ខ្លួន កាលពីឆ្នាំ ២០០៨ បន្ទាប់ពីមានការយល់ច្រឡំជាមួយប្តីនាងគឺ Li Zhong។លោក Li Zhong និងក្រុមគ្រួសារ បានចំណាយប្រាក់ចំនួន ១០០ ០០០យ័ន ឬជាង ១៥ ០០០ដុល្លារ ទៅលើធ្វើពិធីបុណ្យសពដ៏ធំមួយសម្រាប់ភរិយាដែលបានចែកឋានទៅ មុនពេលបញ្ចុះសព គេក៏បានដាក់គ្រឿងអលង្ការមាស ទៅជាមួយនាងនៅក្នុងផ្នូរផងដែរ។
Li Zhong មានការភ្ញាក់ផ្អើលយ៉ាងខ្លាំង នៅពេលលោកទៅឃើញផ្នូរប្រពន្ធចុងក្រោយនៅថ្ងៃទី ១៤ ខែវិច្ឆិកាថ្មីៗនេះ ត្រូវបានគេជីកក៏ដូចជាវត្ថុមានតម្លៃរួមទាំងគ្រឿងអលង្ការ ត្រូវបានគេលួចអស់។ទន្ទឹមនឹងនេះផងដែរ ក្រោយមកក្រុមគ្រួសារលោក Zhong ក៏បានទៅដាក់ពាក្យបណ្ដឹងទៅសមត្ថកិច្ច រហូតស៊ើបអង្កេ តរកឃើញថា គ្រួសាររបស់ Kang ជាអ្នកជីកផ្នូរកូនស្រីនេះដោយមិនប្រាប់ខាងលោកជាអតីតប្ដីឲ្យដឹងជាមុន។
សពរបស់នារីរូបនេះ ក៏ត្រូវបានលក់ក្នុងតម្លៃ ៨០ ០០០ យ័ន ឬជាង ១២ ០០០ដុល្លារ ឲ្យដល់ក្រុមគ្រួសារដែលមានកូនប្រុសស្លាប់ដោយសារគ្រោះថ្នាក់ចរាចរណ៍។ម្តាយរបស់ Kang បាននិយាយថា គាត់មានអារម្មណ៍ខឹ ង នៅពេលក្រុមគ្រួសារ Li Zhong បានផ្លាស់ប្តូរផ្នូរគ្រួសារគាត់ (ខាងសា ច់ថ្លៃ) ដោយគ្មានកូនស្រីខ្លួន។ គាត់បាននិយាយថា៖ «អ្នកបានរើផ្នូរគ្រួសារអ្នក ហើយទុកផ្នូរកូនស្រីខ្ញុំនៅទីនោះតែម្នាក់ឯង។
ប្រសិនបើខ្ញុំមិនអាចរើផ្នូរកូនខ្ញុំ ខ្ញុំត្រូវយកនាងចេញពីទីនោះ»។ គាត់បានពន្យល់ថា ខ្ញុំមិនអាចទុកឱ្យនាងក្លាយជាខ្មោ ចឯកោនៅក្នុងព្រៃបានទេ។អ្នកផ្គូរផ្គងក្នុងស្រុកម្នាក់ ដែលមានជំនាញក្នុងការរៀបអាពាហ៍ពិពាហ៍ខ្មោច បានប្រាប់អ្នកយកព័ត៌មានថា នារីដែលបានស្លា.ប់នៅវ័យក្មេង ដោយមិនមានកូន ដូចជា Kang ត្រូវបានគេចាត់ទុកថា មានគេចង់បានច្រើននៅលើទីផ្សារ។
យ៉ាងណា ក្រុមគ្រួសារទាំងពីរបានចូលរួមពិធីរៀបអាពាហ៍ពិពាហ៍នៅថ្ងៃទី ២៣ ខែវិច្ឆិកា កន្លងទៅ និងបានបញ្ចុះសាកសពអ្នកទាំងពីរនៅក្នុងរណ្តៅបញ្ចុះតែមួយ។ នៅក្នុងរឿងស្រដៀងគ្នានេះ ក្នុងឆ្នាំ២០១៥ បុរសម្នាក់ត្រូវបានឃាត់ខ្លួននៅខេត្ត Shanxi បន្ទាប់ពីព្យាយាមលក់សាកសពស្ត្រីម្នាក់មកធ្វើជា “កូនក្រមុំខ្មោ ច”។ អត្ថបទ Camnews24
